அன்பார்ந்த உழவர் பெருமக்களுக்கு வணக்கம், "பயிர் செய்யும் முன்" அதாவது "பயிர்களைத் தேர்ந்தெடுக்கும் முன்" செயலி (Application) மூலம் உங்களுடன் இணைவதில் மிக்க மகிழ்ச்சி. "பயிர் செய்யும் முன் (App) செயலியை உங்களுக்காக உருவாக்கிய நோக்கம் உழவர்கள் தாங்கள் செய்யும் பயிரினால் தங்களுக்கு ஏற்படவிருக்கும் சிறிய மற்றும் பெரிய அளவிலான நஷ்டத்தை முன் கூட்டியே அறிவதற்கும், எந்தப் பயிரினைப் பயிர் செய்தால் லாபம் பெறலாம் என்று அறிவதற்கும் நாங்கள் அறிமுகமாக்கும் செயலி இது.

இன்றைய காலகட்டத்தில் பார்க்கும் பொழுது, அதாவது ("பயிர் செய்யும் முன்" செயலியின் வருகைக்கு முன்) உழவர்கள் பொதுவாகத் தாங்கள் பயிர் செய்யும் பயிரினைத் தேர்ந்தெடுக்கும் முறை, தங்கள் பகுதியின் பருவநிலை, நீர்நிலை, சுற்றியுள்ள நிலங்களில் பயிரிடப்பட்டவை என்னவென்று கணக்கில் கொண்டே நிலத்திற்குரிய பயிரைத் தேர்ந்தெடுப்பார்கள். (உங்களுடைய பகுதியையும் தாண்டி பயிரிட்டவர்களின் மற்றும் பயிர்களின் விவரங்கள் உங்களுக்குத் தெரிய வாய்ப்பில்லை) இதுவே பெரும்பாலானவர்கள் பின்பற்றும் முறையாக உள்ளது. உதாரணமாக நிலக்கடலை சந்தை நன்றாக உள்ளது என்றால், பெரும்பாலான உழவர்கள் அதையே பயிரிடுவார்கள்.

பல இன்னல்களைக் கடந்து அறுவடை செய்து சந்தை செல்லும் பொழுதுதான் மற்ற உழவர்களும் அதே பயிரினைப் பயிர் செய்துள்ளனர் என்று தெரியவரும். இதனால் போதிய விலை கிடைக்காமல் போகிறது என்று, கடந்த காலத்திலும் சரி, நிகழ்காலத்திலும் சரி உழவர்கள் சந்திக்கும் பிரச்சனைகளில் இது மிகவும் முக்கியமாக உள்ளது.

இந்தப்பிரச்சனைக்குத் தீர்வாக அமையும் வண்ணம் இந்தப் "பயிர் செய்யும் முன்" செயலி உருவாக்கப்பட்டுள்ளது. இந்தச் செயலியின் செயல்பாட்டால் உழவர்கள் பெறப் போகும் நன்மைகள் மற்றும் இந்தச் செயலி எப்படி உழவர்களுக்கு எல்லாம் உற்ற தொழில்நுட்பத் தோழனாகச் செயல்படும் என்பதை இந்தச் செயலியின் செயல்பாட்டின் மூலம் தாங்களே அறியலாம். "பயிர் செய்யும் முன்" செயலியைப் பதிவிறக்கம் செய்து அதில் கேட்கப்படும் தகவல்களைத் தந்து, அதாவது உங்களின் நிலம் மற்றும் பயிர்களின் முழு விவரம் பதிவிறக்கம் செய்த சமயத்தில் பயிர் செய்து இருந்தால், அதன் பயிரிட்ட தேதி அதன் அறுவடை நாளை தோராயமாகக் கணித்துச் சொல்ல வேண்டும்.

உதாரணமாக, நிலக்கடலையைப் பயிர் செய்து இருந்தால் மேலே குறிப்பிட்டதுபோல் முழு விவரமும் தாருங்கள். இதுபோன்று ஒவ்வொரு உழவரும் தங்கள் பயிரிட்ட பயிரின் விவரங்களைத் தந்து, இந்தச் செயலியில் இணைந்து ஒவ்வொருவரும் தங்கள் கணக்கைத் தொடங்குவதன் மூலம், அவரவர்கள் கைப்பேசித் திரையில் "பயிர் செய்யும் முன்" செயலியைத் திறந்து பார்க்கும் பொழுது கீழ்க்கண்ட விவரங்கள் தெரியவரும்.

• நான்கு திசைகளில் பயிரிட்ட பயிர்கள் நிலவரம்

• 10 கிலோ மீட்டர் தூரத்திலிருந்து 200 கிலோ மீட்டர் வரை உள்ள பயிர் செய்த உழவர்கள் நிலவரம் அவர்களது பயிரிட்ட நிலப்பரப்பும் தெரியவரும்.

இப்படி ஒவ்வொரு உழவரும் தங்களைச் சுற்றியுள்ள பயிர்களின் விவரங்களைப் புள்ளிவிவரங்களோடு அறிந்து கொள்ளலாம். (உதாரணமாக, நிலக்கடலை 50 நபர்கள் 33 ஏக்கர் 15 செண்ட் பயிரிட்ட தேதி மற்றும் அறுவடை நாள் 12.04.2020 / 12.07.2020). இதுபோன்ற விவரத்தை நீங்கள் மனத்தில் கொண்டு உழவர்களாகியதாங்கள் அதே நிலக்கடலை பயிரைத் தேர்ந்தெடுக்காமல் மாற்றுப் பயிரினைத் தேர்ந்தெடுத்துப் பயிர் செய்வதன் மூலம் உங்களுக்கும் மற்ற உழவர்களுக்கும் நஷ்டத்தை ஏற்படுத்தாமல் எல்லோரும் நிச்சியமாக நல்ல மகசூல் பெற்று லாபம் ஈட்ட முடியும் என்பது உண்மை. ஆதலால் இந்தப் “பயிர் செய்யும் முன்” செயலி தங்கள் உழவ நண்பனாக உறுதுணையாக இருக்கும் வண்ணம் உருவாக்கியுள்ளோம்.

உழவர்கள் அனைவரும் கைகோர்த்து இந்தச் செயலி மூலம் உழவால் இணைந்து இந்தத் தொழில்நுட்பத் தோழனைப் பயன்படுத்தி, நன்மைகள் பல பெறும்படி வேண்டிக் கேட்டுக்கொள்கிறேன். குறிப்பு ஒருவர் ஒரு அலைபேசியில் எத்தனை கணக்கை வேண்டுமானாலும் தொடங்கிக் கொள்ளலாம்.

வெளியூரில் உள்ள தங்களின் பிள்ளைகள் மூலமும் கணக்கைத் துவங்கலாம். இதுபோன்று மேலும் பல அம்சங்கள் உங்களை வந்து சேரும். எனவே நாம் எல்லோரும் ஒன்றுபடுவோம்; “பயிர் செய்யும் முன்” செயலியைப் பயன்படுத்துவோம்; விவசாயம் காப்போம்; வாழ்வில் வளம் பெறுவோம். நன்றி வணக்கம் !